Qasym-Jomart Toqaev mártebeli meimanǵa iltipat bildirip, Qazaqstanǵa alǵash ret kelip otyrǵandyqtan bul sapardyń mańyzy airyqsha ekenin aitty, dep habarlaidy ult.kz.
– Bul ýaqiǵa Qazaqstan men Gonkong, keńinen alyp qaraǵanda, máńgi jan-jaqty strategiialyq seriktestik bailanystyratyn Qazaqstan men Qytai arasyndaǵy yntymaqtastyqty damytýǵa tyń serpin beretini sózsiz. Elderimizdiń arasynda joǵary deńgeidegi saiasi dialog ornaǵan, saýda-ekonomikalyq jáne investitsiialyq yqpaldastyq qarqyndy damyp keledi. Gonkongpen qarym-qatynasymyz týraly da dál osylai aitýǵa bolady, – dedi Qasym-Jomart Toqaev.
Memleket basshysy investitsiia, innovatsiia, tehnologiia jáne halyqaralyq saýda salalarynda áleýeti zor Gonkong álemde jetekshi qarjy jáne iskerlik ortalyqtardyń biri retinde erekshe ról atqaratynyn atap ótti.
Sondai-aq Qasym-Jomart Toqaev Qazaqstanǵa salmaqty biznes-delegatsiiamen birge kelgeni úshin mártebeli meimanǵa rizashylyǵyn bildirdi.
