Memleket basshysy Qasym-Jomart Toqaev aldaǵy eki jylda Arshaly jáne Tselinograd aýdandarynda gazben jabdyqtaý jelilerin júrgizýdi tapsyrdy, – dep habarlaidy «Ult aqparat».
«Memleket magistraldy gaz qubyryn jedel qarqynmen júrgizdi. Áitse de, sol ýaqytta ol jerde eshqandai jumys jasalmaǵan. Jeliler daiyn emes. Ákimdiktiń baiaý jumysy saldarynan turǵyndar gazdy ýaqtyly ala almaidy. Eldi mekenderdiń ishindegi jelilerdi salý úshin áli tiisti qujattar daiyndalmaǵan» dedi Qasym-Jomart Toqaev Aqmola oblysyn damytý máseleleri jónindegi keńeste.
Prezident osyǵan bailanysty Úkimetke oblys ákimdigimen birge 2020-2021 jyldary Arshaly jáne Tselinograd aýdandarynda gazben jabdyqtaý jelileriniń qurylysyn júrgizýdi tapsyrdy.
«Qosshy - aglomeratsiia mańyndaǵy infraqurylym máselelerin sheshý úshin jumysty tez arada júrgizý qajettiliginiń jarqyn mysaly. Qosshy halqy boiynsha 3 túrli statistika bar: is júzinde onda 52,5 myń adam turady. Sol sekildi Jaqsyda marganets kenin óndiretin ashyq kásiporyn jobasyn iske asyrý máselesi talqylanyp jatyr. Turǵyndar ken ornyn igerýge úzildi-kesildi qarsy. Ákimdik pen Úkimet sheshim qabyldaǵan kezde halyqtyń pikirin eskerýi kerek», - dedi Prezident.
