Memleket basshysy Qasym-Jomart Toqaev asa kórnekti kompozitor hám jurtqa tanymal ánshi, Memlekettik syilyqtyń iegeri, Qazaqstannyń halyq ártisi Eskendir Hasanǵalievtiń dúnieden ótýine bailanysty onyń otbasy men jaqyndaryna kóńil aityp, jedelhat joldady, dep habarlaidy "Ult aqparat" Aqordanyń baspasóz qyzmetine silteme jasap.
«Eskendir Ótegenulyn halqymyz qońyr daýysty ánshi jáne jan tebirenterlik ánder shyǵarǵan kompozitor retinde óte jaqsy kórgen edi. Uzaq jylǵy shyǵarmashylyq jolynda jemisti eńbek etip, otandyq mýzyka óneriniń damýyna zor úles qosty. Halqymyzǵa 200-ge jýyq án, romans jáne horǵa arnalǵan shyǵarmalaryn tartý etti. Ásirese, «Atameken», «Anaǵa sálem», «Esińe al», «Ainalaiyn», «Ádemi-aý», «Gúlsezim» jáne basqa da tamasha týyndylary kórermen tarapynan joǵary baǵasyn aldy. Halqymyzdyń súiispenshiligi men airyqsha qurmetine bólendi. Elimizdiń óneri men mádenietin órkendetýge atsalysyp, sońyna jarqyn iz qaldyrǵan Eskendir Ótegenulynyń beinesi umytylmaidy, esimi halqymyzdyń jadynda saqtalady», – delingen jedelhatta.
