Memleket basshysyna 2022-2024 jyldarǵa arnalǵan respýblikalyq biýdjettiń jobasyna júrgizilgen aldyn ala baǵalaýdyń negizgi nátijeleri jóninde baiandaldy, dep habarlaidy Aqordanyń baspasóz qyzmeti.
Natalia Godýnovanyń málimetine sáikes 9 basym baǵyt boiynsha úsh jylda jumsalatyn 3,2 trillion, onyń ishinde 2022 jylǵa josparlanǵan 1,2 trillion teńge kólemindegi qarjyǵa baǵalaý júrgizildi.
Onyń qorytyndysy boiynsha Esep komiteti jumsalatyn 1,16 trillion teńgeni, onyń ishinde 2022 jylǵa josparlanǵan 306,3 milliard teńgeni ońtailandyrýdy usyndy.
Biýdjetti josparlaý kezinde jiberilgen birqatar kemshilik aityldy. Tiisti organdarǵa olardy joiý jóninde naqty usynystar berildi.
Sonymen qatar Esep komitetiniń tóraǵasy jekelegen aýditorlyq is-sharalardyń aldyn ala qorytyndylary týraly aitty.
Kezdesý qorytyndysy boiynsha Qasym-Jomart Toqaev memlekettik aýdit jáne qarjylyq baqylaý organdarynyń qyzmetin jetildirý jóninde birqatar naqty tapsyrma berdi.
