Nursultan Nazarbaev Túrkiia Respýblikasynyń Uly Ulttyq Jinalysynyń spikeri Mustafa Shentoppen kezdesti, dep habarlaidy "Ult aqparat" Elbasy saityna silteme jasap.
Kezdesýde Qazaqstannyń Tuńǵysh Prezidenti M.Shentopqa Túrkistan qalasynda ótetin Túrkitildes elderdiń Parlamenttik assambleiasynyń mereitoilyq plenarlyq otyrysynda jemisti kelissózder júrgizýine tilektestigin bildirdi.
Elbasy otyz jyl ishindegi Qazaqstan men Túrkiia arasyndaǵy qatynastardyń damý qarqynyn atap ótip, M.Shentoptan Túrkiia Respýblikasynyń Prezidenti Rejep Taiip Erdoǵanǵa izgi tilegin jetkizýdi surady.
– Men táýelsizdiktiń alǵashqy kúnderinen Qazaqstan men Túrkiia arasyndaǵy yntymaqtastyqty damytý jolynda jumys atqaryp kelemin. Búginde bizdiń qarym-qatynasymyz qarqyndy damyp jatyr. Prezident Erdoǵan ekeýmiz únemi bailanystamyz, – dedi Qazaqstannyń Tuńǵysh Prezidenti.
Óz kezeginde M.Shentop Elbasyǵa qonaqjailyq tanytqany úshin rizashylyǵyn bildirip, Túrkiia Respýblikasynyń Prezidenti Rejep Taiip Erdoǵannyń jyly lebizin jetkizdi.
