نۇرسۇلتان نازارباەۆ تٷركييا رەسپۋبليكاسىنىڭ ۇلى ۇلتتىق جينالىسىنىڭ سپيكەرٸ مۇستافا شەنتوپپەن كەزدەستٸ, دەپ حابارلايدى "ۇلت اقپارات" ەلباسى سايتىنا سٸلتەمە جاساپ.
كەزدەسۋدە قازاقستاننىڭ تۇڭعىش پرەزيدەنتٸ م.شەنتوپقا تٷركٸستان قالاسىندا ٶتەتٸن تٷركٸتٸلدەس ەلدەردٸڭ پارلامەنتتٸك اسسامبلەياسىنىڭ مەرەيتويلىق پلەنارلىق وتىرىسىندا جەمٸستٸ كەلٸسسٶزدەر جٷرگٸزۋٸنە تٸلەكتەستٸگٸن بٸلدٸردٸ.
ەلباسى وتىز جىل ٸشٸندەگٸ قازاقستان مەن تٷركييا اراسىنداعى قاتىناستاردىڭ دامۋ قارقىنىن اتاپ ٶتٸپ, م.شەنتوپتان تٷركييا رەسپۋبليكاسىنىڭ پرەزيدەنتٸ رەجەپ تاييپ ەردوعانعا ٸزگٸ تٸلەگٸن جەتكٸزۋدٸ سۇرادى.
– مەن تەۋەلسٸزدٸكتٸڭ العاشقى كٷندەرٸنەن قازاقستان مەن تٷركييا اراسىنداعى ىنتىماقتاستىقتى دامىتۋ جولىندا جۇمىس اتقارىپ كەلەمٸن. بٷگٸندە بٸزدٸڭ قارىم-قاتىناسىمىز قارقىندى دامىپ جاتىر. پرەزيدەنت ەردوعان ەكەۋمٸز ٷنەمٸ بايلانىستامىز, – دەدٸ قازاقستاننىڭ تۇڭعىش پرەزيدەنتٸ.
ٶز كەزەگٸندە م.شەنتوپ ەلباسىعا قوناقجايلىق تانىتقانى ٷشٸن ريزاشىلىعىن بٸلدٸرٸپ, تٷركييا رەسپۋبليكاسىنىڭ پرەزيدەنتٸ رەجەپ تاييپ ەردوعاننىڭ جىلى لەبٸزٸن جەتكٸزدٸ.
