Foto: Forbes.kz
Prezident Qasym-Jomart Toqaev Almatyǵa jumys sapary kezinde qala ákimi Erbolat Dosaevty qabyldap, shahardy jaryqtandyrý, páterlerge sýdy ýaqtyly jáne tolyq berý, kósheler men aýlalardy abattandyrý boiynsha birqatar tapsyrma berdi, dep habarlaidy Ult.kz.
Budan bólek, Memleket basshysy «Taza Qazaqstan» aktsiiasyn turaqty ári óz deńgeiinde ótkizýdiń, qalany kógaldandyrýdyń, ekologiialyq ahýaldy jaqsartý úshin kólik qozǵalysyn retteýdiń, sondai-aq almatylyqtardy alańdatatyn basqa da máselelerdi sheshýdiń mańyzyn atap ótti.
Erbolat Dosaevqa elimizdiń eń iri qalasynyń qarjy, sport, týristik ári mádeni haby retindegi mártebesin nyǵaitý jáne tiisti tártipke keltirý úshin basqarý qyzmetin kúsheitý tapsyryldy.
Qala ákimi Prezidentke júrgizilgen jumystar jáne qabyldanǵan sharalar týraly eki aptada bir ret baiandap otyrady.
