Memleket basshysy Qasym-Jomart Toqaev energetika ministri Nurlan Noǵaevty qabyldady, dep habarlaidy Aqorda.
Qasym-Jomart Toqaev ministrliktiń 7 aidaǵy jumysynyń qorytyndylary men eldiń otyn-energetika keshenin damytý perspektivalary týraly esebin tyńdady.
Nurlan Noǵaev Memleket basshysyna bolashaqta Teńiz kenishin keńeitý men erneýlik qysymdy basqarý jónindegi jobalardyń júzege asyrylýy týraly baiandady. Bul jobalar 2022 jyldyń sońyna deiin munai óndirisin 12 mln tonnaǵa arttyrýǵa múmkindik beredi.
Sondai aq Prezidentke 2025 jylǵa deiin munaigazhimiia salasynda jalpy sommasy 15 mlrd AQSh dollaryn bolatyn jobalar júzege asyrý josparlanǵany týraly aqparat berildi.
Ministrdiń aitýynsha, jyl basynan beri qýattylyǵy 432,05 MVttyq jańartylatyn qýat kózderiniń 15 nysany iske qosylǵan. Jyl sońyna deiin taǵy 260 MVt jańartylatyn qýat kózderiniń nysandary paidalanýǵa berilmek.
Nurlan Noǵaev 1 qyrkúiekten bastap salany tsifrlandyrý baǵdarlamasy aiasynda qazba bailyqtardy paidalaný quqyǵy boiynsha aýktsiondardy elektrondy formatta ótkizý josparlanyp otyrǵanyna toqtaldy. Bul konkýrstyq úderisterdiń ashyq júrýin qamtamasyz etip, kásipkerlerdiń shyǵyndaryn azaitady.
Kezdesý qorytyndysy boiynsha Memleket basshysy energetika salasyn damytýǵa qatysty birqatar naqty tapsyrma berdi.
