مەملەكەت باسشىسى قاسىم-جومارت توقاەۆ ەنەرگەتيكا مينيسترٸ نۇرلان نوعاەۆتى قابىلدادى, دەپ حابارلايدى اقوردا.
قاسىم-جومارت توقاەۆ مينيسترلٸكتٸڭ 7 ايداعى جۇمىسىنىڭ قورىتىندىلارى مەن ەلدٸڭ وتىن-ەنەرگەتيكا كەشەنٸن دامىتۋ پەرسپەكتيۆالارى تۋرالى ەسەبٸن تىڭدادى.
نۇرلان نوعاەۆ مەملەكەت باسشىسىنا بولاشاقتا تەڭٸز كەنٸشٸن كەڭەيتۋ مەن ەرنەۋلٸك قىسىمدى باسقارۋ جٶنٸندەگٸ جوبالاردىڭ جٷزەگە اسىرىلۋى تۋرالى باياندادى. بۇل جوبالار 2022 جىلدىڭ سوڭىنا دەيٸن مۇناي ٶندٸرٸسٸن 12 ملن تونناعا ارتتىرۋعا مٷمكٸندٸك بەرەدٸ.
سونداي اق پرەزيدەنتكە 2025 جىلعا دەيٸن مۇنايگازحيمييا سالاسىندا جالپى سومماسى 15 ملرد اقش دوللارىن بولاتىن جوبالار جٷزەگە اسىرۋ جوسپارلانعانى تۋرالى اقپارات بەرٸلدٸ.
مينيستردٸڭ ايتۋىنشا, جىل باسىنان بەرٸ قۋاتتىلىعى 432,05 مۆتتىق جاڭارتىلاتىن قۋات كٶزدەرٸنٸڭ 15 نىسانى ٸسكە قوسىلعان. جىل سوڭىنا دەيٸن تاعى 260 مۆت جاڭارتىلاتىن قۋات كٶزدەرٸنٸڭ نىساندارى پايدالانۋعا بەرٸلمەك.
نۇرلان نوعاەۆ 1 قىركٷيەكتەن باستاپ سالانى تسيفرلاندىرۋ باعدارلاماسى اياسىندا قازبا بايلىقتاردى پايدالانۋ قۇقىعى بويىنشا اۋكتسيونداردى ەلەكتروندى فورماتتا ٶتكٸزۋ جوسپارلانىپ وتىرعانىنا توقتالدى. بۇل كونكۋرستىق ٷدەرٸستەردٸڭ اشىق جٷرۋٸن قامتاماسىز ەتٸپ, كەسٸپكەرلەردٸڭ شىعىندارىن ازايتادى.
كەزدەسۋ قورىتىندىسى بويىنشا مەملەكەت باسشىسى ەنەرگەتيكا سالاسىن دامىتۋعا قاتىستى بٸرقاتار ناقتى تاپسىرما بەردٸ.
