Memleket basshysy qol qoiǵan "2020-2022 jyldarǵa arnalǵan respýblikalyq biýdjet týraly" zańda kelesi jyldyń eń tómengi jalaqysy men zeinetaqysy kórsetilgen, dep habarlaidy "Ult aqparat".
Úsh jyldyq biýdjetke sáikes, kelesi jyly 1 qańtardan bastap eń tómengi jalaqynyń kólemi burynǵy deńgeide qalady. Ol – 42 500 teńge. Al memlekettiń bazalyq zeinetaqysy 16 839 teńgege ósedi. Osylaisha, eń tómengi zeinetaqynyń kólemi 38 636 teńge bolady.
Budan bólek, ailyq eseptik kórsetkish – 2 651 teńge, al eń tómengi kúnkóristiń deńgeii 31 183 teńgege deiin kóteriledi.
Aita keteiik, osy aptada memleket basshysy Qasym-Jomart Toqaev birneshe mańyzdy zańǵa qol qoiǵan bolatyn. Sonyń ishinde 2020-2022 jyldarǵa arnalǵan respýblikalyq biýdjet, Ulttyq qordan bólinetin transfert, sondai-aq, úsh jylda respýblikalyq biýdjetten oblystyq jáne respýblikalyq mańyzy bar qalalarǵa beriletin transfertter týraly zańdar bar.
Josparǵa sáikes, kelesi jyly respýblikalyq biýdjetke túsetin aqshanyń kólemi 11,2 trillion teńge bolady. Al shyǵyndardyń kólemi 12,4 trillionǵa deiin barady.
