Foto: Aqordanyń baspasóz qyzmeti
Memleket basshysy Konstitýtsiialyq Sot tóraǵasy Elvira Azimovany qabyldady, - dep habarlaidy "Ult aqparat" Aqorda saityna silteme jasap.
Kezdesý barysynda Prezidentke Konstitýtsiialyq Sot óz jumysyn bastaǵany, ókilettigin júzege asyrýǵa kiriskeni, sondai-aq biylǵy 1 qańtardan beri azamattardan kelip túsken ótinishter jóninde málimet berildi.
Elvira Azimova konstitýtsiialyq is júrgizýge qabyldanǵan ótinishter men konstitýtsiialyq baqylaý aiasynda josparlanǵan sharalar týraly aitty.
Qasym-Jomart Toqaev konstitýtsiialyq is júrgizýdiń barlyq satysynyń ashyqtyǵyn jáne Konstitýtsiialyq Sotqa júginý tártibi týraly azamattardyń habardar bolýyn qamtamasyz etýdiń, sondai-aq Ata Zańnyń saqtalýyna baqylaýdy kúsheitýdiń mańyzdy ekenin atap ótti.
