Prezidentke Elordadaǵy epidemiologiialyq jaǵdaidy turaqtandyrý jáne vaktsina salý sharalary jóninde málimet berildi, dep habarlaidy Aqordanyń resmi saity.
Qasym-Jomart Toqaev azamattar koronavirýsqa qarsy ekpeni tezirek alǵan jaǵdaida ǵana qoǵamdyq oryndarda bir-birine qaýip tóndirmeitinin, biznes jandana túsetinin, qyzmetkerlerdiń jumys oryndaryna alańdamai barýyna jáne halyqtyń qalypty ómirge qaita oralýyna tolyq múmkindik bolatynyn aitty.
Prezident turǵyndarǵa vaktsina salýdy ýaqytyly jáne jappai uiymdastyrý, epidemiologiialyq jaǵdaidy baqylaýda ustap, halyqtyń densaýlyǵyn saqtaý jóninde qala ákimine tapsyrma berdi.
Memleket basshysyna qaladaǵy halyq sanynyń artýyna bailanysty bilim berý oshaqtaryn salý arqyly úsh aýysymdyq mektepterdiń máselesin sheshý, kezekte turǵan azamattardy qoljetimdi baspanamen qamtamasyz etý boiynsha aqparat berildi.
Sonymen qatar Qasym-Jomart Toqaev Altai Kólginovke qalany gazdandyrý máselesin sheshýdi, investitsiia tartýdy, Jumyspen qamtý jol kartasyn tiimdi júzege asyrýdy, shaǵyn jáne orta bizneske qoldaý kórsetýdi tapsyrdy.
