Prezident zań ústemdigi men adam quqyqtaryn saqtaýdy ustanatynyn taǵy da aitty. Nur-Sultan qalalyq ákimdigi «Halyqty jumyspen qamtý ortalyǵy» KMM direktory Azamat Baitasov osyndai pikir bildirdi, dep habarlaidy QazAqparat.
«Memleket basshysy Qasym-Jomart Kemeluly Toqaev osy jyldyń 29 qańtarynda « Habar « telearnasyna bergen ekskliýzivti suhbatynda qazaqstandyqtardy tolǵandyratyn birqatar suraqqa jaýap berdi. Prezidenttiń sóilegen sózi bizdiń otandastarymyzdyń qyzyǵýshylyǵyn týdyrǵanyn erekshe atap ótkim keledi. Bul áleýmettik jelilerdegi jáne BAQ-daǵy pikirler men kommentarilerdiń edáýir sanynan kórinis tapty. Bul tańqalarlyq jaǵdai emes. Óitkeni biz Prezidenttiń el basyna kún týǵan qaiǵyly kúnderi qabyldaǵan batyl sharalarynyń kýási boldyq. Qasym-Jomart Toqaevtyń batyl is-áreketteri - qoǵamnyń qýatty jáne táýelsiz Qazaqstandy qurýǵa degen suranystaryna bergen erekshe jaýaby. Halyq arasynda bir úmit sáýlesi paida boldy. Azamattardyń naqty baǵdardy bilgisi keletini jáne jinaqtalǵan áleýmettik máselelerdi sheshýde de osyndai sheshimdi kútetini tabiǵi nárse. Bul turǵyda, Memleket basshysy taǵy da oryn alǵan oqiǵalardyń baqylaýynda turǵanyn kórsetip, birqatar ózekti suraqtarǵa jaýap berdi», - dedi ol.
Azamat Baitasovtyń atap ótýinshe, Memleket basshysynyń sóilegen sózindegi mańyzdy sátterdiń biri – máselelerdiń saiasi blogy.
«Prezident eldiń partiialyq júiesin reformalaý qajettigin atap ótti. Óziniń zań ústemdigi men adam quqyqtaryn saqtaýdy ustanatynyn taǵy da dáleldedi. Sonymen qatar Memleket basshysy ekonomikalyq blok týraly aita kelip, kásipkerlik bastamalardy qoldaýǵa basa nazar aýdardy», - dedi mekeme direktory.
