QR Prezidenti Qasym-Jomart Toqaev ekonomikany turaqtandyrýdyń keibir sharalary týraly Jarlyqqa qol qoidy, dep habarlaidy "Ult aqparat" Aqordaǵa silteme jasap.
***
«Áleýmettik-ekonomikalyq turaqtylyqty qamtamasyz etý jónindegi sharalar týraly» Qazaqstan Respýblikasy Prezidentiniń 2020 jylǵy
16 naýryzdaǵy № 286 Jarlyǵyna sáikes QAÝLY ETEMIN:
1. Qazaqstan Respýblikasynyń Ulttyq Banki 2020 jylǵy 31 jeltoqsanǵa deiingi kezeńge:
1) zańdy tulǵalarǵa banktik shottardan kúntizbelik ai ishinde alýyna ruqsat etiletin qolma-qol aqsha somasynyń shekti mólsherin;
2) osy tarmaqtyń 1) tarmaqshasynda kózdelgen talap qoldanylmaityn zańdy tulǵalardyń sanattaryn;
3) Qazaqstan Respýblikasynyń Qarjy ministrligimen jáne Qazaqstan Respýblikasynyń Qarjy naryǵyn retteý jáne damytý agenttigimen birlesip, osy tarmaqtyń 2) tarmaqshasyna sáikes aiqyndalǵan zańdy tulǵalardy qospaǵanda, zańdy tulǵalardyń banktik shottardan qolma-qol aqshany alý, onyń ishinde osy tarmaqtyń 1) tarmaqshasyna sáikes belgilengen shekti mólsherden artyq qolma-qol aqshany alýdy reglamentteitin tártibin, sondai-aq Qazaqstan Respýblikasynyń Qarjy ministrligine zańdy tulǵalardyń osy tarmaqtyń 1) tarmaqshasyna sáikes belgilengen shekti mólsherden artyq qolma-qol aqshany alýy týraly aqparatty usyný tártibin aiqyndasyn.
2. Qazaqstan Respýblikasynyń Qarjy naryǵyn retteý jáne damytý agenttigi zańdy tulǵalardyń banktik shottaryn ashýdy jáne júrgizýdi júzege asyratyn qarjy uiymdary zańdy tulǵalardyń banktik shottardan qolma-qol aqshany alýynyń osy Jarlyqtyń 1-tarmaǵynyń 3) tarmaqshasynda kózdelgen tártibin saqtaýyn baqylaýdy júzege asyrsyn.
3. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.
4. Osy Jarlyq qol qoiylǵan kúninen bastap qoldanysqa engiziledi.
Qazaqstan Respýblikasynyń
Prezidenti Q.Toqaev
Nur-Sultan, Aqorda, 2020 jylǵy 21 sáýir
№ 308
