Prezident Qasym-Jomart Toqaev Eýraziialyq ekonomikalyq odaq shartyna ózgerister engizý týraly hattamany ratifikatsiialady, - dep habarlaidy "Ult aqparat" Aqordanyń resmi saityna silteme jasap.
"Memleket basshysy "2014 jylǵy 29 mamyrdaǵy Eýraziialyq ekonomikalyq odaq týraly shartqa (Eýraziialyq ekonomikalyq odaqtyń ortaq elektr energetika naryǵyn qalyptastyrý bóliginde) ózgerister engizý týraly hattamany ratifikatsiialaý týraly" Qazaqstan Respýblikasynyń Zańyna qol qoidy", - delingen habarlamada.
Sonymen qatar, Memleket basshysy "2014 jylǵy 12 qarashadaǵy Eýraziialyq ekonomikalyq komissiianyń básekelestiktiń biryńǵai qaǵidalarynyń saqtalýyn baqylaý jónindegi ókilettikterdi júzege asyrýy kezinde qupiia aqparatty qorǵaý tártibi jáne ony jariia etkeni úshin jaýaptylyq týraly kelisimge ózgerister engizý týraly hattamany ratifikatsiialaý týraly" Qazaqstan Respýblikasynyń Zańyna qol qoidy.
