Foto: Aqorda
Memleket basshysy Álemdik jáne dástúrli dinder kóshbasshylarynyń VIII cezine qatysý úshin Astanaǵa arnaiy kelgen Dúniejúzilik islam ligasynyń Bas hatshysy sheih Muhammed ben Abdýlkarim Ál-Isamen kezdesti, dep habarlaidy Ult.kz.
Prezident elimizdiń dinder arasyndaǵy dialogty damytý bastamasyna udaiy qoldaý kórsetip, beibitshilik pen kelisim ideialaryn nasihattaýǵa eleýli úles qosyp kele jatqan uiym basshysyna rizashylyǵyn bildirdi.
Qasym-Jomart Toqaevtyń pikirinshe, Qazaqstan ishki jáne syrtqy saiasatta dinaralyq, sondai-aq mádenietaralyq kelisimdi saqtaýǵa erekshe mán beredi.
Prezident 22 jyldan beri turaqty túrde uiymdastyrylatyn Álemdik jáne dástúrli dinder kóshbasshylarynyń sezi osynyń aiqyn kórinisi ekenin atap ótti. Sonymen qatar ortaq kúsh-jigerdiń arqasynda Qazaqstannyń bastamasy jahandyq qaýipsizdik pen turaqtylyqty nyǵaitýǵa zor yqpal etetinin aitty.
Budan bólek, Memleket basshysy Qazaqstan men Saýd Arabiiasy Koroldigi arasyndaǵy yntymaqtastyq odan ári nyǵaia túsetinine senim bildirdi.
Dúniejúzilik islam ligasynyń Bas hatshysy Astanadaǵy dástúrli sezdi adamgershilik qundylyqtaryn dáripteitin erekshe pikir almasý alańy retinde joǵary baǵalap, elimizdiń ósip-órkendei berýine tilektes ekenin jetkizdi.
Memleket basshysy álemdegi konfessiiaaralyq kelisimdi nyǵaitýǵa jáne islam órkenietin keńinen tanytýǵa qosqan eleýli úlesi úshin Muhammed ben Abdýlkarim Ál-Isany I dárejeli «Dostyq» ordenimen marapattady.
