Foto: Aqorda
Elordada ótken Álemdik jáne dástúrli dinder liderleriniń sezi qorytyndylandy. Memleket basshysy Qasym-Jomart Toqaev forým jumysyna baǵa berip, onyń jahandyq mańyzyn atap ótti, dep habarlaidy Ult.kz.
Prezidenttiń aitýynsha, birneshe kúnge sozylǵan alqaly jiynǵa túrli mádeniet pen órkeniet ókilderi jinalyp, qurmet pen syilastyqqa negizdelgen syndarly dialog ornatty.
«Meimandarymyzdyń dini men dili bólek bolsa da, tilegi men nieti bir ekeni sózsiz. Sezdiń qorytyndy Deklaratsiiasy – sonyń aiqyn dáleli», – dedi Qasym-Jomart Toqaev.
Memleket basshysy dinbasylardyń ortaq múdde jolynda kúsh biriktirýge ázir ekenin erekshe atap ótti. Ol búgingi geosaiasi turaqsyzdyq jaǵdaiynda kóregendik pen parasattylyqqa negizdelgen dialogtyń mán-mańyzy zor ekenin jetkizdi. Forým barysynda áleýmettik teńsizdik, inkliýzivti qoǵam qurý, ekologiia, ornyqty damý jáne jasandy intellektiniń adam ómirine yqpaly siiaqty máseleler keńinen talqylandy.
Prezident dini diplomatiianyń halyqaralyq senimdi nyǵaitýdaǵy mańyzyn taǵy bir márte atap, sezd qatysýshylaryn ortaq deklaratsiia ideialaryn belsendi nasihattaýǵa shaqyrdy. Sonymen qatar din kóshbasshylarynyń klimat ózgeristerimen kúres jáne jasandy intellektini jaýapkershilikpen paidalaný qaǵidattary jónindegi usynystaryn tolyq qoldaitynyn jetkizdi.
Qasym-Jomart Toqaev tarihi eskertkishterdi, mádeni áralýandyqty jáne rýhani murany saqtaý qajettigin de sóz etti.
«Jas dini kóshbasshylar forýmy óskeleń urpaqtyń sabaqtastyqty saqtaýǵa, dialog pen ózara túsinistikke umtylatynyn kórsetti. Bul – álemniń keleshegi bar degen sóz», – dedi Prezident.
Sondai-aq Memleket basshysy Qazaqstannyń barlyq deńgeide dinaralyq jáne mádenietaralyq dialogty qoldaitynyn jáne sezdiń jahandyq pikirtalas alańy retindegi yqpalyn arttyrýǵa kúsh salatynyn málimdedi.
«Beibitshilik – eń basty bailyǵymyz. Tatýlyq pen turaqtylyq baiandy bolashaqtyń myzǵymas kepili. Búgingi basqosý – sonyń jarqyn kórinisi», – dedi Qasym-Jomart Toqaev.
