Prezident Digital Nomads IT qoǵamdastyǵy ókilderimen kezdesti, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy Niý-Iork qalasynda shetelde turatyn ári álemniń jetekshi tehnologiialyq kompaniialarynda jumys istep jatqan 400 qazaqstandyqty biriktiretin Digital Nomads IT qoǵamdastyǵynyń ókilderimen kezdesý ótkizdi.
Beiresmi jaǵdaida ótken kezdesýde Qazaqstanda IT salasyn damytý perspektivalary men qazirgi álemdik úrdister talqylandy.
Qasym-Jomart Toqaev kezdesýde Ádiletti Qazaqstan daryndy jastarǵa jańa múmkindikter ashatynyn aitty.
Sonymen qatar kezdesýde Taskrabbit.com kompaniiasynyń strategiia jáne damý jónindegi jetekshisi Áset Ábdýáliev, DCVC kompaniiasynyń venchýrlyq investory ári direktory Anna Fokina, Google kompaniiasynyń injener-programmisi Arai Sabyrjan jáne Booking.com kompaniiasynyń menedjer-programmisi Álibek Datbaev sóz sóiledi. Olar Prezidentke sheteldik kompaniialardaǵy jumystarynan alǵan áserin aityp, otandyq IT salasyn odan ári damytý jáne onyń básekege qabilettiligin arttyrý jóninde birqatar usynys bildirdi.
Kezdesý sońynda Qasym-Jomart Toqaev Digital Nomads ókilderine tabys tilep, olar elimizdiń damýy men órkendeýine eleýli úles qosatynyna senim bildirdi.
