Prezident «Digital Centre» tsifrlyq halyqqa qyzmet kórsetý ortalyǵyna bardy,dep habarlaidy "Ult aqparat" Aqordaǵa silteme jasap.
«Digital Centre» ortalyǵynda Memleket basshysyna turǵyndar men el qonaqtaryna qyzmet kórsetetin elektrondy úkimet júiesi tanystyryldy.
Qasym-Jomart Toqaevqa «eGov mobile» mobildi qosymshasy, Facebook, VKontakte áleýmettik jelileri men Telegram messendjeri arqyly memlekettik qyzmet alýdyń jańa múmkindikteri men artyqshylyqtary kórsetildi. Sonymen qatar 2020 jylǵa qarai memlekettik qyzmet kórsetýdiń 90 paiyzyn tsifrlyq formatqa kóshirý jospary týraly da aityldy.
– Bastysy – sapa men jedel qyzmet kórsetý. Biz joǵary tehnologiialardy paidalanatyn aldyńǵy qatarly el bolýymyz kerek dep oilaimyn, – dedi Memleket basshysy.
Búginde «Digital Centre» ortalyǵynda 1220 adamnyń biometriialyq deregi tirkelgen. Osynyń arqasynda olar ózderiniń jeke qujattaryn kórsetpei-aq memlekettik qyzmet ala alady. Ortalyq qashyqtan video-servis arqyly qyzmet kórsetedi. Sondai-aq elorda turǵyndary bul jerde tsifrlyq saýattylyq daǵdylaryn meńgeredi.
