پرەزيدەنت «Digital Centre» تسيفرلىق حالىققا قىزمەت كٶرسەتۋ ورتالىعىنا باردى,دەپ حابارلايدى "ۇلت اقپارات" اقورداعا سٸلتەمە جاساپ.
«Digital Centre» ورتالىعىندا مەملەكەت باسشىسىنا تۇرعىندار مەن ەل قوناقتارىنا قىزمەت كٶرسەتەتٸن ەلەكتروندى ٷكٸمەت جٷيەسٸ تانىستىرىلدى.
قاسىم-جومارت توقاەۆقا «eGov mobile» موبيلدٸ قوسىمشاسى, Facebook, VKontakte ەلەۋمەتتٸك جەلٸلەرٸ مەن Telegram مەسسەندجەرٸ ارقىلى مەملەكەتتٸك قىزمەت الۋدىڭ جاڭا مٷمكٸندٸكتەرٸ مەن ارتىقشىلىقتارى كٶرسەتٸلدٸ. سونىمەن قاتار 2020 جىلعا قاراي مەملەكەتتٸك قىزمەت كٶرسەتۋدٸڭ 90 پايىزىن تسيفرلىق فورماتقا كٶشٸرۋ جوسپارى تۋرالى دا ايتىلدى.
– باستىسى – ساپا مەن جەدەل قىزمەت كٶرسەتۋ. بٸز جوعارى تەحنولوگييالاردى پايدالاناتىن الدىڭعى قاتارلى ەل بولۋىمىز كەرەك دەپ ويلايمىن, – دەدٸ مەملەكەت باسشىسى.
بٷگٸندە «Digital Centre» ورتالىعىندا 1220 ادامنىڭ بيومەترييالىق دەرەگٸ تٸركەلگەن. وسىنىڭ ارقاسىندا ولار ٶزدەرٸنٸڭ جەكە قۇجاتتارىن كٶرسەتپەي-اق مەملەكەتتٸك قىزمەت الا الادى. ورتالىق قاشىقتان ۆيدەو-سەرۆيس ارقىلى قىزمەت كٶرسەتەدٸ. سونداي-اق ەلوردا تۇرعىندارى بۇل جەردە تسيفرلىق ساۋاتتىلىق داعدىلارىن مەڭگەرەدٸ.
