Eýraziialyq integratsiia institýtynyń sarapshysy Baýyrjan Serikbaev Memleket basshysy Qasym-Jomart Toqaevtyń elimizde qalyptasqan ahýalǵa bailanysty úndeýine qatysty pikir bildirdi, dep habarlaidy QazAqparat.
«Baiqasańyzdar, Prezident máselege kelgende problemany ashyq moiyndaidy. Burynǵydai «Bizde bári jaqsy» degen belden basý joq. Esterińizde bolsa sailaýdan keiin Qazaqstan halqynyń kedeilenip ketkenin ashyq aitty. Artynsha nesieni de keshirdi. Tabysy kópter kóp salyq tólesin, kirisi azdar az tóleýi qajet dep áleýmettik ádilettilik týraly da oń bastamalardyń bastaýynda júr», - dep jazady Baýyrjan Serikbaev Facebook paraqshasynda.
Onyń jazýynsha, eń bastysy Memleket basshysy búgin halqy qinalyp jatqanda kóńilge demeý berip, densaýlyq saqtaý salasynda júieli qatelikter bolǵanyn da ashyq aitqan. Buǵan qatysty barlyq sala jumystaryna tekserý júrgizetinin, ákimderdiń jumysyna kóńili tolmaitynyn da bildirgen.
«Prezident qadamdarynan jaǵdaidy baqylap otyrǵany, ózgeriske degen qulshynysy baiqalady. Tájiribeli saiasatkerlerge tán sabyrlyq pen aqyryndap alǵa jyljý bar. Prezident osylai jii shyǵyp, tosynnan kelgen indetten abdyrap qalǵan halyqqa demeý bolsa deimiz», - deidi Baýyrjan Serikbaev.
