Memleket basshysy Qasym-Jomart Toqaev Densaýlyq saqtaý ministri Aleksei Tsoimen telefon arqyly sóilesip, elimizdegi koronavirýs indetine qarsy qabyldanyp jatqan sharalar jóninde esebin tyńdady. , - dep habarlaidy "Ult aqparat" Aqordaǵa silteme jasap.
Ministrdiń aitýynsha, elordada indetti juqtyrýshylar saiabyrlap, epidemiologiialyq jaǵdai turaqtalyp keledi. Degenmen, sońǵy aptada Qazaqstanda aýrý juqtyrǵandardyń sany 10 paiyzǵa artqan.
Qasym-Jomart Toqaevqa 1 tamyzdan bastap elimizde indettiń taralý indeksi 1,11-den 1,01-ge deiin azaiyp, 9 paiyzdy quraǵany jóninde aqparat berildi. Aleksei Tsoi Nur-Sultan qalasynda koronavirýstyń taralý indeksi 1 birlikten tómendegenin, Almatyda 19 paiyzǵa azaiǵanyn jetkizdi.
Búgingi tańda aimaqtardaǵy 328 meditsina nysanynda 55 658 naýqas emdelip jatyr. Respýblika boiynsha aýrýhanalardaǵy tósek-oryndardyń - 54 paiyzynda, jansaqtaý bólimderiniń 45 paiyzynda naýqastar em qabyldaýda.
Aleksei Tsoidyń aitýynsha, qazirgi tańda 5,9 million adamǵa koronavirýsqa qarsy vaktsinanyń birinshi komponenti salynyp, ekpe alatyn turǵyndardyń 59 paiyzyn quraǵan. 4,5 million adamǵa ekpeniń ekinshi komponenti salynyp, ekpe salynatyn turǵyndardyń 45,2 paiyzy qamtylǵan.
