مەملەكەت باسشىسى قاسىم-جومارت توقاەۆ دەنساۋلىق ساقتاۋ مينيسترٸ الەكسەي تسويمەن تەلەفون ارقىلى سٶيلەسٸپ, ەلٸمٸزدەگٸ كوروناۆيرۋس ٸندەتٸنە قارسى قابىلدانىپ جاتقان شارالار جٶنٸندە ەسەبٸن تىڭدادى. , - دەپ حابارلايدى "ۇلت اقپارات" اقورداعا سٸلتەمە جاساپ.
مينيستردٸڭ ايتۋىنشا, ەلوردادا ٸندەتتٸ جۇقتىرۋشىلار سايابىرلاپ, ەپيدەميولوگييالىق جاعداي تۇراقتالىپ كەلەدٸ. دەگەنمەن, سوڭعى اپتادا قازاقستاندا اۋرۋ جۇقتىرعانداردىڭ سانى 10 پايىزعا ارتقان.
قاسىم-جومارت توقاەۆقا 1 تامىزدان باستاپ ەلٸمٸزدە ٸندەتتٸڭ تارالۋ يندەكسٸ 1,11-دەن 1,01-گە دەيٸن ازايىپ, 9 پايىزدى قۇراعانى جٶنٸندە اقپارات بەرٸلدٸ. الەكسەي تسوي نۇر-سۇلتان قالاسىندا كوروناۆيرۋستىڭ تارالۋ يندەكسٸ 1 بٸرلٸكتەن تٶمەندەگەنٸن, الماتىدا 19 پايىزعا ازايعانىن جەتكٸزدٸ.
بٷگٸنگٸ تاڭدا ايماقتارداعى 328 مەديتسينا نىسانىندا 55 658 ناۋقاس ەمدەلٸپ جاتىر. رەسپۋبليكا بويىنشا اۋرۋحانالارداعى تٶسەك-ورىنداردىڭ - 54 پايىزىندا, جانساقتاۋ بٶلٸمدەرٸنٸڭ 45 پايىزىندا ناۋقاستار ەم قابىلداۋدا.
الەكسەي تسويدىڭ ايتۋىنشا, قازٸرگٸ تاڭدا 5,9 ميلليون ادامعا كوروناۆيرۋسقا قارسى ۆاكتسينانىڭ بٸرٸنشٸ كومپونەنتٸ سالىنىپ, ەكپە الاتىن تۇرعىنداردىڭ 59 پايىزىن قۇراعان. 4,5 ميلليون ادامعا ەكپەنٸڭ ەكٸنشٸ كومپونەنتٸ سالىنىپ, ەكپە سالىناتىن تۇرعىنداردىڭ 45,2 پايىزى قامتىلعان.
