Memleket basshysy Qasym-Jomart Toqaev Dúniejúzilik Uiymnyń mereitoilyq is-sharasy aiasynda BUU Bas Assambleiasy 75-sessiiasynyń Jalpy saiasi debattarynda sóz sóileidi. Bul týraly QR Prezidentiniń baspasóz hatshysy Berik Ýáli aitty, dep habarlaidy "Ult aqparat".
Memleket basshysy 23 qyrkúiekte Nur-Sultan ýaqyty boiynsha shamamen saǵat 19:45-ten keiin beinekonferentsiia formatynda sóz sóileidi dep josparlanǵan.
Prezident qazirgi álemdegi túitkildi máseleler men syn-qaterlerdi, sonyń ishinde, koronavirýs pandemiiasymen kúreske, jahandyq ekonomikanyń ósimin qalpyna keltirýge, iadrolyq qarýdan bas tartýǵa jáne taratpaýǵa, klimattyń ózgerýine qatysty problemalardy sheshýge arnalmaq.
Sonymen qatar Qasym-Jomart Toqaev halyqaralyq yntymaqtastyqty nyǵaitý jáne ózara senim bildirýdegi BUU-nyń rólin kúsheitýge nazar aýdarady.
Budan bólek Memleket basshysy 2030 jylǵa deiingi ornyqty damýdyń Kún tártibin júzege asyrý, «Jasyl ekonomikany» damytý jáne Ortalyq Aziiadaǵy óńirlik is-qimyldardy jandandyrý máselelerine mán beredi.
Memleket basshysy eldiń ishki saiasatyna qatysty máselelerdi de qamtidy, sonyń ishinde, «Halyq únine qulaq asatyn memleket» tujyrymdamasynyń iske asyrylýyna da toqtalmaq.
Sondai-aq Qazaqstan Prezidenti birqatar halyqaralyq bastama kóteredi. Solardyń biri – búkil álemdegi volonterlerdiń eńbegin moiyndaýǵa, qurmetteýge baǵyttalǵan.
Memleket basshysynyń sóilegen sóziniń tikelei transliatsiiasyn BUU veb saitynan nemese Facebook-tegi paraqshasynan kórýge bolady.
