Qazaqstan Prezidenti Bloomberg Media Group kompaniiasynyń bas atqarýshy direktory Djastin Smitpen kezdesti, dep habarlaidy "Ult aqparat" Aqordaǵa silteme jasap.
Memleket basshysy media kompaniianyń basshysyna iltipat bildirip, jaqynda ǵana Bloomberg agenttiginiń jýrnalisterine suhbat bergenin atap ótti.
Qazaqstan Prezidenti Bloomberg kompaniiasynyń búkil álem boiynsha áskerlik jáne qarjylyq aqparat taratatynyn atap ótip, Qazaqstannyń investitsiialyq múmkindikterin ilgeriletý úshin onyń airyqsha ról atqaratynyn aitty.
Kezdesý barysynda «Astana» halyqaralyq qarjy ortalyǵy alańynan tikelei habar taratatyn Bloomberg stýdiiasyn ashý, bedeldi halyqaralyq buqaralyq aqparat quraldaryn tartý úshin mediahab qurý, iri ulttyq kompaniialardyń aktsiialarynyń «Astana» halyqaralyq qarjy ortalyǵy birjasyna shyǵýyn súiemeldeý máseleleri talqylandy. Sondai-aq, taraptar Qazaqstannyń investitsiialyq ahýalyn odan ári jaqsartý perspektivalary jóninde pikir almasty.
