Memleket basshysy Qasym-Jomart Toqaev qańtarda bolǵan jappai tártipsizdikterge qatysty reseilik sarapshylardyń pikirine qatysty óz oiyn aitty, dep habarlaidy QazAqparat.
Suhbat barysynda Reseidegi birqatar sarapshylar elimizde bolǵan oqiǵaǵa qatysty «Tóńkerisshilerdiń maqsaty Prezident Qasym-Jomart Toqaevty Qazaqstannan qýyp shyǵý nemese tutqynǵa alý» degen boljam jasady. Sol ras pa? Biraq Siz olardyń josparyn joqqa shyǵardyńyz. Osyǵan bailanysty Ózińiz qandai naqty túsinikteme berer edińiz? degen saýal qoiyldy.
«Bálkim, bul Reseidiń barlaý qyzmetiniń kózqarasy shyǵar. Bul ras ta bolýy múmkin. Olar bizdiń elimizdegi oqiǵalardy muqiiat baqylap otyrady ǵoi. Qalai desek te, arnaiy jasaqtalǵan qarýly bandalar bilikti basyp alǵysy keldi. Sondyqtan, sheteldik sarapshylar aitqan pikirdiń jany bar dep oilaimyn. Degenmen, barlyǵyna baiyppen qarap, salmaqty baǵa berý qajet. «Sabyr túbi – sary altyn» dep halqymyz beker aitpaǵan. Bizge keregi – asyǵys sheshim shyǵaryp, isti jaýyp tastaý emes, mindetti túrde aqiqatqa kóz jetkizý. Bul – meniń aldyma qoiǵan maqsatym», - dedi Prezident Qazaqstan ulttyq telearnasyna bergen suhbatynda.
