مەملەكەت باسشىسى قاسىم-جومارت توقاەۆ قاڭتاردا بولعان جاپپاي تەرتٸپسٸزدٸكتەرگە قاتىستى رەسەيلٸك ساراپشىلاردىڭ پٸكٸرٸنە قاتىستى ٶز ويىن ايتتى, دەپ حابارلايدى قازاقپارات.
سۇحبات بارىسىندا رەسەيدەگٸ بٸرقاتار ساراپشىلار ەلٸمٸزدە بولعان وقيعاعا قاتىستى «تٶڭكەرٸسشٸلەردٸڭ ماقساتى پرەزيدەنت قاسىم-جومارت توقاەۆتى قازاقستاننان قۋىپ شىعۋ نەمەسە تۇتقىنعا الۋ» دەگەن بولجام جاسادى. سول راس پا? بٸراق سٸز ولاردىڭ جوسپارىن جوققا شىعاردىڭىز. وسىعان بايلانىستى ٶزٸڭٸز قانداي ناقتى تٷسٸنٸكتەمە بەرەر ەدٸڭٸز? دەگەن ساۋال قويىلدى.
«بەلكٸم, بۇل رەسەيدٸڭ بارلاۋ قىزمەتٸنٸڭ كٶزقاراسى شىعار. بۇل راس تا بولۋى مٷمكٸن. ولار بٸزدٸڭ ەلٸمٸزدەگٸ وقيعالاردى مۇقييات باقىلاپ وتىرادى عوي. قالاي دەسەك تە, ارنايى جاساقتالعان قارۋلى باندالار بيلٸكتٸ باسىپ العىسى كەلدٸ. سوندىقتان, شەتەلدٸك ساراپشىلار ايتقان پٸكٸردٸڭ جانى بار دەپ ويلايمىن. دەگەنمەن, بارلىعىنا بايىپپەن قاراپ, سالماقتى باعا بەرۋ قاجەت. «سابىر تٷبٸ – سارى التىن» دەپ حالقىمىز بەكەر ايتپاعان. بٸزگە كەرەگٸ – اسىعىس شەشٸم شىعارىپ, ٸستٸ جاۋىپ تاستاۋ ەمەس, مٸندەتتٸ تٷردە اقيقاتقا كٶز جەتكٸزۋ. بۇل – مەنٸڭ الدىما قويعان ماقساتىم», - دەدٸ پرەزيدەنت Qazaqstan ۇلتتىق تەلەارناسىنا بەرگەن سۇحباتىندا.
