Memleket basshysy Qasym-Jomart Toqaev qoǵamda jańa ekologiialyq mádenietti qalyptastyrý úshin tolyq aýqymdy ekologiialyq reviziia júrgizý kerektigin málim etti, dep habarlaidy "Ult aqparat".
«Nazarlaryńyzdy aýdarǵym keletin taǵy bir másele – bizdiń qoǵamdaǵy ekologiialyq mádeniet. Jyl boiy adamdardyń qorshaǵan orta men jan-janýarlarǵa qatysty ártúrli rezonansty oqiǵalarynyń, tipti varvarlyq áreketteriniń kýási boldyq. Álemdik ekologiialyq antireitingte Qazaqstan ókinishke qarai kóshbasshy pozitsiiasynda tur. Bizdiń elde ekologiialyq problemadan ada birde-bir óńir joq. Týyndaǵan bul jaǵdai bizdi eń batyl áreketterge shaqyratyn óte kúrdeli jaǵdai dep esepteimin», - dedi Prezident Ulttyq qoǵamdyq senim keńesiniń otyrysynda.
Prezident óz sózinde qoǵamda jańa ekologiialyq mádenietti qalyptastyrý úshin tolyq aýqymdy ekologiialyq reviziia júrgizý kerektigin jetkizdi.
