Búgin Memleket basshysy óz Joldaýynda otbasylyq-demografiialyq salada jańa saiasat bastalǵanyn jariialady. Sózsiz, bul saladaǵy shoǵyrlanǵan máselelerdi sheshýge arnalǵan. Bul týraly Aqparat jáne qoǵamdyq damý ministri Aida Balaeva Facebook jelisindegi paraqshasynda jazdy.
«Osyǵan bailanysty arnaiy baǵdarlama qabyldaý onyń tiimdiligin qamtamasyz etip qana qoimai, sharalardy naqtylap, olardyń nátijeli bolýyna baqylaý ornatady.
Balalar men olardyń múddeleri jáne saýlyǵy qazirgi Joldaýdyń negizgi obektileriniń birine ainaldy. Bul memlekettiń osy saladaǵy kókeitesti máselelerdi sheshýge shyndap kirisetinin kórsetedi. Bul tek bilim berý máselelerine ǵana emes, balalardyń fizikalyq jáne rýhani saýlyǵyna da qatysty. Dál osy otbasylyq qatynastar salasyndaǵy isterdiń ahýaly jaýapty memlekettik organdar men laýazymdy tulǵalar jumysynyń tiimdiligin baǵalaýda basty indikatorlardyń birine ainalýy tiis», - dep atap ótti ministr.
