Elimizdiń birqatar óńirinde virýstyń taralý qaýpi áli de seiilmei otyr. Bul týraly QR Prezidenti Qasym-Jomart Toqaevtyń málimdemesinde aitylǵan, dep habarlaidy "Ult aqparat".
«Barshańyzǵa belgili, Qazaqstan halqy 16 naýryzdan bastap tótenshe jaǵdai rejimine kóshti. Árine, bul kezeń jurtshylyqqa ońai timegeni anyq. Keibir azamattar jumysyn joǵaltyp, tabyssyz qaldy. Oiǵa alǵan josparlaryn ózgertýge májbúr bolǵandar da bar. Adami turǵydan men muny túsinemin. Qaýipti virýs Qazaqstanda keń jaiylyp ketpeýi úshin osyndai kúrdeli, biraq asa qajet sheshim qabyldadym. Sonyń arqasynda indet jappai taralǵan joq»,- dedi Memleket basshysy.
Prezidenttiń atap ótýinshe, Dúniejúzilik densaýlyq saqtaý uiymy da, halyqaralyq sarapshylar da Qazaqstannyń is-qimylyn oń baǵalap otyr.
«Elimizde qatań karantin sharalary engizilip, qoǵamdyq kóliktiń jumysy toqtatyldy. Mekemeler men kásiporyndardyń basym bóligi qashyqtan jumys isteý rejimine kóshti. Kósheler, turǵyn úiler dezinfektsiialanyp, naýqastarǵa dárigerlik kómek kórsetilýde. Árine, barlyq oblystaǵy jaǵdai birdei emes. Keibir aimaqtarda indet sharyqtaý sheginen ótken siiaqty. Biraq birqatar óńirde virýstyń taralý qaýpi áli de seiilmei otyr. Biz ondaǵy naqty sanitarlyq ahýalǵa qarai áreket jasaimyz. Basty mindet – azamattarymyzdyń densaýlyǵyn saqtap, ómirin qorǵap qalý», - dedi Qasym-Jomart Toqaev.
