QR Prezidenti Qasym-Jomart Toqaev erekshe qajettiligi bar balalardy qoldaýǵa qatysty elimizdiń Bilim jáne ǵylym ministrligine tapsyrma berdi, dep habarlaidy "Ult aqparat".
«Ókiletti organǵa erekshe qajettiligi bar bala men onyń otbasy úshin biryńǵai baǵdar túrindegi is-qimyldyń túsinikti algoritmin qurý qajet. Óńirlerde bar arnaýly mekemelerdi eskere otyryp, olarda bala týǵan sátten bastap kórsetiletin barlyq memlekettik qyzmetter qarastyrylýy kerek», - dedi Memleket basshysy Ulttyq qoǵamdyq senim keńesiniń 5-otyrysynda.
QR Prezidentiniń atap ótýinshe, Bilim jáne ǵylym ministrligi erekshe balalardyń bilim alý quqyǵyn júzege asyrý bóliginde naqty jumystar júrgizýi qajet.
«Bul is-sharalardyń barlyǵy erekshe qajettiligi bar balalardyń áleýetin tolyqqandy júzege asyrýǵa septigin tigizetindigine senimdimin», - Qasym-Jomart Toqaev.
