Beibit jinalystar týraly jańa zań azamattardyń beibit jiyndar ótkizýge Konstitýtsiialyq quqyǵyn tolyq qamtamasyz etedi. Bul týraly Ulttyq qoǵamdyq senim keńesiniń 3-otyrysynda QR Prezidenti Qasym-Jomart Toqaev aitty, dep habarlaidy QazAqparat.
«Búgingi otyrysqa deiin atqarylǵan jumystyń naqty nátijesi bar. Birer kún buryn men Qazaqstan Respýblikasynda beibit jinalystardy uiymdastyrý jáne ótkizý tártibi týraly» jańa Zańǵa qol qoidym. Bul qujattyń basty ereksheligi - budan bulai beibit jinalys ótkizý úshin ruqsat alý qajet emes. Ony aldyn ala eskertip, ótkizýge bolady», - dedi Memleket basshysy.
QR Prezidenti osy Zań qoǵamdyq-saiasi qatynastardy demokratiialyq jolmen odan ary damytýǵa zor úles qosady dep oilaityndyǵyn basa aitty.
«Depýtattarǵa zań jobasyn egjei-tegjeili qarastyrǵany úshin alǵys aitamyn. Birlese atqarylǵan jumystyń mán-mańyzy zor. Jańa zań - azamattardyń beibit jiyndar ótkizýge Konstitýtsiialyq quqyǵyn tolyq qamtamasyz etedi», - dedi Qasym-Jomart Toqaev.
