Foto: akorda.kz
Memleket basshysy jeke investordyń qarjysyna salynyp, biyl paidalanýǵa berilgen kópfýnktsiialy ǵimarattyń qyzmetimen tanysty. Bul týraly Aqordanyń baspasóz qyzmeti habarlady, dep jazady Ult.kz.
Astanada ornalasqan keshende túrli deńgeidegi sporttyq is-sharalar, sondai-aq halyqqa arnalǵan saýyqtyrý jáne demalys baǵdarlamalary uiymdastyrylady.
Nysan aýmaǵynda fýtzal, voleibol men basketbol alańdary, boks, dziýdo, qazaq kúresi jáne basqa da sport túrlerimen shuǵyldanýǵa arnalǵan jekpe-jek zaldary bar.
Prezident buqaralyq sportty damytý úshin osyndai keshenderdi kóptep salý qajet ekenin aitty. Sondai-aq jas boksshylarmen jáne fýtbolshylarmen áńgimelesip, olardyń keleshekte álem, olimpiada chempiondary bolýyna tilektestik bildirdi.
– Bul úshin, eń aldymen, eńbek etý kerek, tabandylyq qajet. Jeńiske tek eńbekqorlyq qana jetkizedi, – dedi Memleket basshysy.
