Foto: Akorda.kz
Prezident Premer-ministr Oljas Bektenovke osy aptanyń sońyna deiin azamattardyń múddesin eskere otyryp, ekonomikalyq reformalar baǵdarlamasyn iske asyrý tetikterin naqtylaýdy júktedi, dep habarlaidy Ult.kz. Bul týraly Prezidenttiń baspasóz hatshysy Rýslan Jeldibai jazdy.
Memleket basshysy Úkimetke shaǵyn jáne orta biznesti qoldaý, investitsiialyq ahýaldy jaqsartý, sondai-aq eldegi ekonomikalyq turaqtylyqty qamtamasyz etý baǵytynda túzetýler engizip, naqty sheshimder qabyldaý qajet ekenin atap ótti.
Prezidenttiń aitýynsha, Úkimettiń qazirgi ekonomikalyq saiasaty Qazaqstannyń strategiialyq múddelerine sai keledi. Sonymen birge onda jahandyq koniýnktýra men qazirgi naryqtyq úrdister de eskerilgen.
Bul tapsyrma ekonomikany ártaraptandyrý, kásipkerlerge qolaily jaǵdai jasaý jáne halyqtyń ál-aýqatyn arttyrý maqsatynda berilip otyr.
