«Qarapaiym zattar ekonomikasy» baǵdarlamasy aiasynda 552 mlrd teńge somasyna 810 qaryz berildi. Bul týraly búgin Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy "Ult aqparat".
«Ekonomikany qoldaý úshin Memleket basshysynyń daǵdarysqa qarsy bastamalaryn iske asyrý jalǵasýda. «Qarapaiym zattar ekonomikasy» baǵdarlamasyna biylǵy jylǵy 12 aqpandaǵy jaǵdai boiynsha kásipkerlerden 1,1 trln teńgege jýyq somaǵa 1 410 ótinim kelip tústi. Onyń ishinde bankter 731,5 mlrd teńgege 889 ótinimdi maquldady. 552 mlrd teńge somasyna 810 qaryz berildi», - dedi ol.
UB tóraǵasynyń dereginshe, kásipkerlik sýbektilerin jeńildikpen kreditteý baǵdarlamasy boiynsha osy jylǵy 12 aqpanda kásipkerler 672,3 mlrd teńgege 2 632 ótinim berdi.
«526,2 mlrd teńgege 1 844 ótinim maquldandy, 596,3 mlrd teńgege 5 879 qaryz berildi. Onyń ishinde 138,5 mlrd. teńgege 2 479 qaryz buryn berilgen qaryzdardy óteýden túsken aqsha esebinen berilip otyr», - dedi Erbolat Dosaev.
