«قاراپايىم زاتتار ەكونوميكاسى» باعدارلاماسى اياسىندا 552 ملرد تەڭگە سوماسىنا 810 قارىز بەرٸلدٸ. بۇل تۋرالى بٷگٸن ٷكٸمەت وتىرىسىندا قر ۇلتتىق بانك تٶراعاسى ەربولات دوساەۆ ايتتى, دەپ حابارلايدى "ۇلت اقپارات".
«ەكونوميكانى قولداۋ ٷشٸن مەملەكەت باسشىسىنىڭ داعدارىسقا قارسى باستامالارىن ٸسكە اسىرۋ جالعاسۋدا. «قاراپايىم زاتتار ەكونوميكاسى» باعدارلاماسىنا بيىلعى جىلعى 12 اقپانداعى جاعداي بويىنشا كەسٸپكەرلەردەن 1,1 ترلن تەڭگەگە جۋىق سوماعا 1 410 ٶتٸنٸم كەلٸپ تٷستٸ. ونىڭ ٸشٸندە بانكتەر 731,5 ملرد تەڭگەگە 889 ٶتٸنٸمدٸ ماقۇلدادى. 552 ملرد تەڭگە سوماسىنا 810 قارىز بەرٸلدٸ», - دەدٸ ول.
ۇب تٶراعاسىنىڭ دەرەگٸنشە, كەسٸپكەرلٸك سۋبەكتٸلەرٸن جەڭٸلدٸكپەن كرەديتتەۋ باعدارلاماسى بويىنشا وسى جىلعى 12 اقپاندا كەسٸپكەرلەر 672,3 ملرد تەڭگەگە 2 632 ٶتٸنٸم بەردٸ.
«526,2 ملرد تەڭگەگە 1 844 ٶتٸنٸم ماقۇلداندى, 596,3 ملرد تەڭگەگە 5 879 قارىز بەرٸلدٸ. ونىڭ ٸشٸندە 138,5 ملرد. تەڭگەگە 2 479 قارىز بۇرىن بەرٸلگەن قارىزداردى ٶتەۋدەن تٷسكەن اقشا ەسەبٸنەن بەرٸلٸپ وتىر», - دەدٸ ەربولات دوساەۆ.
