Qasym-Jomart Toqaev Bas prokýror Ǵizat Nurdáýletovti qabyldady, dep habarlaidy "Ult aqparat" Aqordaǵa silteme jasap.
Memleket basshysyna elimizdegi zańdylyq pen quqyq qorǵaý salasynyń ahýaly, prokýratýra organdarynyń birinshi jartyjyldyqta atqarǵan jumystarynyń qorytyndylary týraly baiandaldy.
Prezidentke qylmystyq protsestiń úsh býyndy modeline kóshýdiń birinshi kezeńin iske asyrý nátijeleri týraly aqparat berildi.
Ǵizat Nurdáýletovtiń aitýynsha, sotqa deiingi tergeý organdary prokýrorlarmen negizgi sheshimderin kelisýdiń arqasynda azamattardyń konstitýtsiialyq quqyqtaryn buzý 33 paiyzǵa azaiǵan.
Memleket basshysyna kásipkerlerdi memlekettik organdardyń zańsyz áreketterinen qorǵaý, prokýrorlyq qadaǵalaýdy biznestiń problemalaryn tiimdi sheshýge qaita baǵdarlaý boiynsha berilgen tapsyrmalardy oryndaý jóninde qabyldanyp jatqan sharalar týraly aityldy. Bas prokýrordyń sózinshe, jyl basynan beri 22 myń kásipkerdiń quqyǵy qorǵalǵan, 357 zańsyz tekserý men memlekettik organdardyń 56 aktisi joiylǵan.
Qasym-Jomart Toqaev qoǵamnyń barlyq salasynda zań ústemdigin qamtamasyz etýdiń mańyzdylyǵyn atap ótip, Ǵizat Nurdáýletovke birqatar tapsyrma berdi.
