Memleket basshysy Qasym-Jomart Toqaevtyń Tótenshe jaǵdai rejimin qamtamasyz etý jónindegi memlekettik komissiianyń otyrysynda Azyq-túlik baǵasynyń qoljetimdi bolýyn tapsyrdy, dep habarlaidy "Ult aqparat".
«Búginde halyqtyń úshten birinen astam (37 paiyzy) bóligi tolyqtai oqshaýlanǵan qalalarda turyp jatyr. Sondyqtan da azyq-túlikpen turaqty qamtamasyz etý basty máseleniń biri bolyp qalady», - dedi Prezident.
Bul rette halyqtyń áleýmettik turǵyda álsiz tobyndaǵy azamattardy qamtamasyz etýge nazar aýdarylady.
«Atalǵan máseleni Úkimet pen ákimdikter turaqty baqylaýda ustaýyn tapsyramyn. Úsh kún buryn elordanyń kóliktik-logistikalyq ortalyǵynda boldym. Úkimet el boiynsha azyq-túlikpen qamtamasyz etý máselesin qadaǵalyp otyr. Bizde azyq-túlik jetkilikti. Dúrbeleń týdyrmas úshin baǵanyń qoljetimdi bolýyn ári durys logistikany qamtamasyz etý qajet», - dedá Memleket basshysy.
Osy oraida Przident Úkimet áleýmettik mańyzdaǵy azyq-túlik taýarlarynyń 9 ataýyna shekti baǵany bekitkenin eske saldy.
«Sonymen birge, retteý tetigi jetildirýdi talap etedi. Saýda jáne integratsiia ministrligi men ákimderge birge baǵanyń qalyptasýynyń tutas tizbesi boiynsha ónim qunyn retteýdiń tetigin ońtailandyrý tapsyrylady», - dedi Qasym-Jomart Toqaev.
