Memleket basshysy Qasym-Jomart Toqaev Qazaqstan halqyna Joldaýynda azaptaýlarmen bailanysty qylmystardy tergep-tekserý týraly pikir bildirdi, dep habarlaidy QazAqparat.
«Azaptaýlarmen bailanysty qylmystardy tergep-tekserýge júieli tásildeme kerek. Qazirgi ýaqytta bul baǵytqa jaýap beretin naqty bir organ joq. Bul tájiribe belgili bir syn-qater týdyrýy múmkin. Sondyqtan bul fýnktsiialardy Bas prokýratýraǵa mindetteýdi usynamyn. Bul tásil tergeýdegi ashyqtyq pen beitaraptyqty qamtamasyz etedi, quqyq qorǵaý salasyndaǵy bassyzdyq úshin jazanyń bar ekenin kórsetedi», - dedi Toqaev.
