QR Prezidentiniń baspasóz hatshysy Berik Ýáli shaǵyn jáne orta bizneske qoldaýdy keńeitý týraly Memleket basshysy Qasym-Jomart Toqaevtyń tapsyrmasy qalai oryndalǵanyn málim etti, dep habarlaidy "Ult aqparat".
Qasym-Jomart Toqaev QR Úkimetiniń 2021 jylǵy 26 qańtardaǵy keńeitilgen otyrysynda: «Biyl shaǵyn jáne orta bizneske qoldaý kórsetý eń basty nazarda bolýǵa tiis. Úkimetke «Atameken» ulttyq kásipkerler palatasymen birlesip, bir aidyń ishinde osyǵan qajetti is-sharalar toptamasyn ázirleýdi tapsyramyn», - degen bolatyn.
Búginde QR Prezidentiniń bul tapsyrmasy aiasynda iskerlik belsendilikti yntalandyrý úshin qosymsha sharalar toptamasy qabyldandy. Atap aitqanda, bizneske júktemeni azaitý, qarjylandyrýǵa, suranys naryqtaryna jáne sapaly adam resýrstaryna qoljetimdilikti keńeitý siiaqty 4 baǵyt boiynsha 24 shara qabyldandy.
Sharalar toptamasy jyldam qalpyna keltirý qarqynyn jáne jańa ekonomikalyq ahýal jaǵdaiynda iskerlik belsendilikti yntalandyratyn ekojúieni qalyptastyrýdy qamtamasyz etýge múmkindik beredi.
Sharalardyń júzege asyrylýy biylǵy JIÓ-niń ósimin 3 paiyzǵa jetkizýge yqpal etedi. 3,3 millionnan astam adam jumys isteitin 1,2 millionnan astam kásipkerlik sýbektisine qoldaý kórsetýge múmkindik beredi.
