Mádeniet jáne óner qyzmetkerleri kúnine orai QR Premer-ministriniń orynbasary – Mádeniet jáne aqparat ministri Aida Balaeva Memleket basshysynyń atynan «DimashAli» shyǵarmashylyq ortalyǵynyń jetekshisi, kompozitor, prodiýser, mýzykant Qanat Aitbaevqa «Parasat» ordenin tabystady, dep habarlaidy ult.kz.
Aida Balaeva Qanat Aitbaevtyń otandyq mádeniet pen ónerdi damytýdaǵy eleýli eńbegin, sondai-aq qazaqstandyq mýzyka ónerin qoldaý jáne keńinen nasihattaý jolyndaǵy úlesin erekshe atap ótti.
«Parasat» ordeni ǵylym, mádeniet, ádebiet pen óner salalaryn damytýǵa sińirgen airyqsha eńbegi, sondai-aq eldiń rýhani jáne ziiatkerlik áleýetin nyǵaitýǵa qosqan úlesi úshin beriledi.
Aita keteiik, Qanat Aitbaev jeke jaǵdaiyna bailanysty buǵan deiin Mádeniet jáne óner qyzmetkerleri kúnine orai ótken saltanatty marapattaý rásimine qatysa almaǵan bolatyn.
