Foto: Akorda.kz
Memleket basshysy Qasym-Jomart Toqaev "Astana" halyqaralyq qarjy ortalyǵynyń basqarýshysy Renat Bekturovty qabyldady, - dep habarlaidy "Ult aqparat" Aqordanyń baspasóz qyzmetine silteme jasap.
Prezidentke "Astana" halyqaralyq qarjy ortalyǵynyń innovatsiialyq qarjy ónimderi men qyzmetterdi damytý, elimizdiń investitsiialyq tartymdylyǵyn arttyrý, sondai-aq, AHQO-nyń jańarǵan damý strategiiasy aiasynda negizgi biznes-seriktestermen ózara bailanys jumystary týraly málimet berildi.
Memleket basshysyna ornyqty qarjylandyrý quraldarynyń aiasyn odan ári keńeitý jáne elimizdiń kómirsýtegi beitaraptyǵyna jetý maqsatyn qarjylandyrýdy júzege asyrýdaǵy ortalyqtyń róli jóninde baiandaldy.
Qasym-Jomart Toqaev shetelden investitsiia tartý úshin qajetti infraqurylym quryp, jaǵdai jasaýda, sondai-aq, qor naryǵy men el ekonomikasyn damytýda AHQO-nyń mańyzdy rol atqaratynyn aitty.
Kezdesý sońynda Prezident ortalyqtyń básekege qabilettiligin arttyrý qajettigine, sondai-aq, Transkaspii halyqaralyq kólik dálizi sekildi mańyzdy infraqurylym jobalaryna aýqymdy investitsiia tartý úshin qolaily jaǵdai jasaý kerek ekenine nazar aýdardy.
