Búgin Astana Halyqaralyq áýejaiynyń jańa terminaly ashyldy. Terminal VIP jáne qarapaiym jolaýshylarǵa arnalǵan eki aimaqtan turady. Memleket basshysy Nursultan Nazarbaev jolaýshylarǵa arnalǵan negizgi ǵimaratty qarap shyqty, dep habarlaidy QazAqparat tilshisi.
Jańa terminalda tórt kireberis bar. Ishinde jolaýshylardy tirkeitin 26 birdei oryn jáne tólqujat tekseretin 42 kabina ornatylǵan. Al jańa júieniń arqasynda qol júkterdiń 1 200 danasyn bir saǵattyń ishinde ótkizýge bolady. «Júkterdi ótkizý júiesiniń basty ereksheligi sol, qandai da bir qaýipti júkter bolsa, onyń barlyǵy avtomatty túrde birden basqa jolaqpen ketedi de, qaýipsiz aimaqqa shyǵarylady», - deidi áýejaidyń bas direktory Radilbek Ádimolda. Ekinshi qabatta tolyǵymen dámxanalar men meiramxanalar bolady. VIP-aimaqta dáretxanalarmen birge dýshqa túsetin oryndar da bar. Terminaldyń jalpy aýdany - 47 myń sharshy metr. Endi, Astanadaǵy áýejaidyń eki terminaly bar. Jańadan salynǵan jaǵy «T1» dep belgilense, eski ǵimarat «T2» bolady. Aita ketken jón, búgin áýejaidyń jańa terminaly ashylsa da, reisterge qyzmet kórsetý jumysy bes-alty kúnnen keiin bastalady. Eski ǵimarattan ishki reister ushyrylsa, jańa terminal xalyqaralyq reisterge qyzmet kórsetin bolady.
Búgin ashylǵan terminal jylyna 5 mln adamdy ótkize alady. Eski ǵimaratpen birge atalǵan kórsetkishti 8,2 mln jolaýshyǵa deiin jetkizýge múmkindik bar. Josparǵa sáikes, EKSPO-2017 kórmesi aiasynda Astana áýejaiy arqyly ótetin ishki jáne syrtqy reisterdiń sany artady.
