Prezident Qazaqstan halqy Assambleiasyna úlken úmit artyp otyr. Memleket basshysynyń «Jańa Qazaqstan: jańarý men jańǵyrý joly» atty Joldaýyn júzege asyrý joldaryn talqylaǵan jiynda Prezident ákimshiligi basshysynyń orynbasary Aida Balaeva osyndai pikir bildirdi, dep habarlaidy QazAqparat tilshisi.
«Memleket basshysy Qazaqstan halqy Assambleiasyna úlken úmit artyp otyr. Reformalardyń kezekti paketin sizderdiń qoldaýyńyzben ǵana turaqty ári qaýipsiz iske asyrýǵa bolady. QHA jumys isteitin salanyń kúrdeli ekeni barshaǵa aian. Bul Resei-Ýkraina shielenisinen týyndaǵan geosaiasi qiyndyqtar aiasynda aiqyn kórinip jatyr. Qazaqstan árqashan halyqtar arasyndaǵy baýyrlastyqty qoldaidy. Bul - bizdiń ishki saiasatymyzdyń myzǵymas tuǵyry», - dedi ol.
Prezident ákimshiligi basshysynyń orynbasary Qazaqstan halqy yqtimal syn-qaterlerge jariia túrde qarsy turýy kerek ekenin atap ótti.
«Táýelsizdigimizdiń tarihynda talai ret solai áreket etkenbiz. Eń bir qiyn jaǵdailarda Qazaqstandaǵy etnostar ortaq úiimizdegi beibitshilik pen kelisim úshin bir shepte turyp kúrese bildi. Sonymen birge ultaralyq kórinisti idealdandyrýdyń qajeti joq. Ótkir máselelerdi anyqtap, óz quziretimiz sheginde aldyn alý shara qabyldaý kerek. Bul iste de arhaikalyq júmys tásilinen arylyp, biýrokratiialyq baǵyttardan, kópsózdilikten ketý kerek. Prezident ár sózinde tiimdi áreket etý basym baǵyt bolýy kerektigin aityp, qoǵamǵa ashyq bolýdyń úlgisin kórsetip júr», - dedi Aida Balaeva.
