Foto: Aqorda
Memleket basshysy – Qazaqstan Qarýly Kúshteriniń Joǵarǵy Bas qolbasshysy Qasym-Jomart Toqaev saltanatty jiynda sardarlar men sarbazdardy aldaǵy Otan qorǵaýshy kúnimen quttyqtady, dep habarlaidy Ult.kz.
Sonymen qatar patriotizm men jaýyngerlik rýhtyń simvolyna ainalǵan mereke kúnderi elge qorǵan bolyp júrgen azamattarǵa qurmet kórsetý, Otan úshin ot keshken aǵa býynnyń rýhyna taǵzym etý, olardyń janqiiarlyǵy men óshpes erligin urpaqtyń jadynda jańǵyrtý dástúrge ainalǵanyn atap ótti.
"Qazaq – bolmysynan jaýjúrek halyq. Batyr babalarymyz keń-baitaq jerimizdi aq bilektiń kúshimen, aq naizanyń ushymen qorǵady. «Er – eldiń ainasy» deidi. Shyn máninde, halqymyzdyń erlik dástúri atadan balaǵa jalǵasyp keledi. Qazaq sarbazy qai kezde de elin qorǵai bilgen. Jeriniń shetine jaý tise, judyryqtai jumylyp bir týdyń astynan tabylǵan. Biyl Uly Jeńiske 80 jyl tolyp otyr. Adamzat tarihyndaǵy osyndai surapyl soǵys barsha elder úshin úlken synaq bolǵany sózsiz. Maidanǵa bir million eki júz myńnan astam azamatymyz attandy. Olardyń jartysy urys dalasynan oralǵan joq. Tyl eńbekkerleri kún-tún demei ter tókti. Osylaisha, halqymyz Uly Jeńiske ólsheýsiz úles qosty. Jeńis merekesi eren erlikti pash etedi. Sondai-aq beibit ómirdiń, birlik pen yntymaqtyń mańyzyn uǵyndyrady. Jeńis kúni arqyly urpaqqa beriletin eń basty taǵylym – osy", – dedi Qasym-Jomart Toqaev.
