Elordada keshe bastalǵan VIII Azamattyq forým búgin jalǵasyn tapty. «Azamattyq qoǵam jáne memleket: Dialog. Áriptestik. Senim» taqyryby arqaý bolǵan búgingi jiynǵa Qazaqstan prezidenti Nursultan Nazarbaev qatysty.
Nazarbaev ózi jáne memleket úkimeti alpaýyt elder arasyndaǵy shielenistiń ýshyǵýyna bailanysty alańdaýshylyq kúide jumys istep jatqanyn aitty.
«Qazir búkil álemde jaǵdai qiyn. Basty memleketterdiń barlyǵy, negizgi alpaýyt elder bir-birimen til tabysa almai jatyr. Bul adamzatqa qamqorlyq jasaýǵa tiis memleketter. Mysaly, tek AQSh pen Reseide 15 myń iadrolyq jarylǵysh zat bar. Bunymen adamzatty birneshe ret joiýǵa bolady. Birneshe ret. Osyndai elderdiń bir-birimen til tabyspaýy bizdiń barlyǵymyzda alańdaýshylyq týǵyzady», – dedi prezident.
Elbasy Qytai men AQSh arasyndaǵy saýda soǵysy, basqa elderdiń sanktsiialyq sheshimderi Qazaqstanǵa áser etetinin aitty.
«Sondyqtan Úkimet te, men de, osyndai jaǵdaida mazasyz kúide jumys istep jatyrmyz. Eger bizde bir nárse bolyp qalsa, buny qalai qamtamasyz etemiz? Sol sebepten qazir birlik, ózara túsinistik, otansúigishtik, el jáne otan úshin joǵary jaýapkershilik sezimi aýadai qajet. Men úkimettik emes uiymdar árdaiym menimen birge bolady dep oilaimyn», - dedi Nursultan Nazarbaev.
