Qazaqstan Prezidenti Qasym-Jomart Toqaev Almatydaǵy Bas botanikalyq baqty qaita jóndeý jumystarynyń barysymen tanysty, dep habarlaidy "Ult aqparat" Aqordaǵa silteme jasap.
Almaty qalasynyń ákimi Baqytjan Saǵyntaev Memleket basshysyna qalanyń damýy jóninde egjei-tegjeili esep berdi.
Ekologiia, geologiia jáne tabiǵi resýrstar ministri Maǵzum Myrzaǵaliev Almatynyń ekologiialyq jaǵdaiy týraly baiandama jasady.
Sonymen qatar «Vernyi kapital» kompaniialar tobynyń bas direktory Erlan Ospanov Almaty dendrariiasyn qaita jóndeý jobasynyń erekshelikteri týraly áńgimelep berdi.
Qasym-Jomart Toqaev Almaty qalasy ákimdigi men Bolat Ótemuratov qorynyń birlesken jumystaryn joǵary baǵalady. Memleket basshysy botanikalyq baqtyń qala turǵyndary men qonaqtary úshin burynǵydai negizgi demalys oryndarynyń birine ainalýy qajet ekenin aitty.
– Botanikalyq baq – almatylyqtar men qazaqstandyqtar úshin, ásirese osynda týyp ósip, jastyq shaǵyn ótkizgender úshin tanymal jer. Almaty turǵyndaryn osy aýmaqty saqtaýǵa, oǵan óz úiindei qaraýǵa shaqyramyn, – dedi Memleket basshysy.
