Prezident Almatydaǵy Politsiia departamenti Shuǵyl áreket etý basqarmasynyń ortalyǵyna bardy, dep habarlaidy "Ult aqparat" Aqordaǵa silteme jasap.
Qasym-Jomart Toqaevqa Ortalyqtyń quqyqtyq tártipti jáne qala turǵyndary men qonaqtarynyń qaýipsizdigin qamtamasyz etýdegi róli týraly málimet berildi.
Shuǵyl áreket etý ortalyǵynda qala aýmaǵyndaǵy shuǵyl jaǵdailar týraly túsken aqparattar táýlik boiy úzdiksiz jinalyp, olarǵa taldaý jasalady jáne quqyq buzýshylyqtyń aldyn alý jumystary júrgiziledi.
Prezidentke qaladaǵy terroristk akti kezinde buzaqylardyń maqsatty túrde 20 kóshege ornatylǵan 493 beinekamerany, beinebaqylaýdy basqarý jáne bailanys júiesiniń tehnikalyq jabdyqtaryn isten shyǵarǵany jóninde baiandaldy.
Úkimettik komissiia men ákimdikke baqylaý júielerin túgeldei qalpyna keltirý tapsyryldy. Qaladaǵy tártipti 10 myńǵa jýyq beine kamera baqylaityn bolady.
