Qazaqstan Prezidenti Qasym-Jomart Toqaev Almaty qalasyndaǵy biznes máselesin talqylaýǵa qatysyp, biznespen «keri bailanys» ornatýdyń naqty ári tiimdi tetigin jolǵa qoiý qajettigin sóz etti. Sonymen qatar, ótken jyldyń qorytyndysy boiynsha, Almatynyń áleýmettik-ekonomikalyq damýynda oń qarqyn bar ekeni belgili boldy, - dep habarlaidy «Ult aqparat».
Dál qazirgi eldegi ahýalǵa bailanysty ahýaldyń qubylmaly sipatyna nazar aýdaryp, bosańsýǵa bolmaitynyn aitty.
«Bul máselede innovatorlar, jastar men biznes arasyndaǵy tiimdi qarym-qatynas mańyzdy ról atqarady. Muny damyǵan elderdiń tájiribesinen kórýge bolady. Bul jerde «velosiped oilap tabýdyń» qajeti joq. Kraýdfanding, bilim berý habtary, biznes-kómekshilermen aradaǵy arnaiy investitsiialyq kezeńder siiaqty tehnologiialar shetelde ózderin jaqsy qyrynan kórsetti. Jalpy ákimdikterde jańasha túrlengen ekonomikany damytý jóninde túsinik pen ózindik kózqaras bar. Almaty qalasynyń tájiribesin ózge óńirlerde qoldaný qajet. Bizdiń jerimiz talanttarǵa bai. Jas oryndaýshylar, shyǵarmashylyq ókilderi aimaqtyq qana emes, álemdik deńgeide de moiyndalyp jatyr», – dedi Qasym-Jomart Toqaev.
Sonymen qatar, Prezident qala ákiminiń janyndaǵy Iskerlik keńestiń konstrýktivti jumysyn mysal retinde keltirdi.
«Qalany odan ári damytý úshin ósimniń jańa bastaýlary qajet dep sanaimyn. Mundai baǵyttardyń biri jańasha túrlengen ekonomika. Sondyqtan Úkimetke atalǵan baǵyt boiynsha tolyqqandy ári zamanaýi normativtik-quqyqtyq turǵydan retteý mehanizmin ázirleýdi tapsyramyn» dedi Memleket basshysy.
Sonymen qatar, Prezident Qasym-Jomart Toqaev Almaty qalasyn odan ári damytý máseleleri jóninde keńes barysynda biznesti zańsyz aralasýdan qorǵaý mańyzdy mindet ekenin atap ótti.
«Túpki maqsat – zańdylyq turǵysynan biznes pen memlekettik organdar arasyndaǵy qatynastar modeliniń minsiz bolýy. Singapýrdy jetistikke jetkizgen úlgini alýǵa bolady. Múmkin emes nárse joq. Bári alǵa qoiǵan maqsatqa jetý jolyndaǵy batyldyqqa bailanysty», – dedi Memleket basshysy.
Aita keteiik, bul jerde baqylaý-qadaǵalaý nemese quqyq qorǵaý qyzmeti keipindegi reiderlik jáne bopsalaý derekteri jaiynda sóz bolyp otyr. Qasym-Jomart Toqaev óziniń tapsyrmasy boiynsha mundai teris is-áreketterge qarsy kúreske baǵyttalǵan zańnamalyq sharalar toptamasy daiyndalǵanyn málimdedi. Bul baǵyttaǵy tiisti jumystar Parlamenttiń qazirgi sessiiasynyń sońyna deiin aiaqtalady.
Esterińizge sala keteiik, Qazaqstan Prezidenti Qasym-Jomart Toqaev Almaty qalasyndaǵy biznes máselesin talqylaýǵa qatysyp, biznespen «keri bailanys» ornatýdyń naqty ári tiimdi tetigin jolǵa qoiý qajettigin sóz etti. Sonymen qatar, ótken jyldyń qorytyndysy boiynsha, Almatynyń áleýmettik-ekonomikalyq damýynda oń qarqyn bar ekeni belgili boldy. Sonymen qatar, Memleket basshysy qalany odan ári damytý úshin ósimniń jańa bastaýlary qajet dep sanaidy. Mundai baǵyttardyń biri jańasha túrlengen ekonomika. Sondyqtan Úkimetke atalǵan baǵyt boiynsha tolyqqandy ári zamanaýi normativtik-quqyqtyq turǵydan retteý mehanizmin ázirleýdi tapsyrdy.
