قازاقستان پرەزيدەنتٸ قاسىم-جومارت توقاەۆ الماتى قالاسىنداعى بيزنەس مەسەلەسٸن تالقىلاۋعا قاتىسىپ, بيزنەسپەن «كەرٸ بايلانىس» ورناتۋدىڭ ناقتى ەرٸ تيٸمدٸ تەتٸگٸن جولعا قويۋ قاجەتتٸگٸن سٶز ەتتٸ. سونىمەن قاتار, ٶتكەن جىلدىڭ قورىتىندىسى بويىنشا, الماتىنىڭ ەلەۋمەتتٸك-ەكونوميكالىق دامۋىندا وڭ قارقىن بار ەكەنٸ بەلگٸلٸ بولدى, - دەپ حابارلايدى «ۇلت اقپارات».
دەل قازٸرگٸ ەلدەگٸ احۋالعا بايلانىستى احۋالدىڭ قۇبىلمالى سيپاتىنا نازار اۋدارىپ, بوساڭسۋعا بولمايتىنىن ايتتى.
«بۇل مەسەلەدە يننوۆاتورلار, جاستار مەن بيزنەس اراسىنداعى تيٸمدٸ قارىم-قاتىناس ماڭىزدى رٶل اتقارادى. مۇنى دامىعان ەلدەردٸڭ تەجٸريبەسٸنەن كٶرۋگە بولادى. بۇل جەردە «ۆەلوسيپەد ويلاپ تابۋدىڭ» قاجەتٸ جوق. كراۋدفاندينگ, بٸلٸم بەرۋ حابتارى, بيزنەس-كٶمەكشٸلەرمەن اراداعى ارنايى ينۆەستيتسييالىق كەزەڭدەر سيياقتى تەحنولوگييالار شەتەلدە ٶزدەرٸن جاقسى قىرىنان كٶرسەتتٸ. جالپى ەكٸمدٸكتەردە جاڭاشا تٷرلەنگەن ەكونوميكانى دامىتۋ جٶنٸندە تٷسٸنٸك پەن ٶزٸندٸك كٶزقاراس بار. الماتى قالاسىنىڭ تەجٸريبەسٸن ٶزگە ٶڭٸرلەردە قولدانۋ قاجەت. بٸزدٸڭ جەرٸمٸز تالانتتارعا باي. جاس ورىنداۋشىلار, شىعارماشىلىق ٶكٸلدەرٸ ايماقتىق قانا ەمەس, ەلەمدٸك دەڭگەيدە دە مويىندالىپ جاتىر», – دەدٸ قاسىم-جومارت توقاەۆ.
سونىمەن قاتار, پرەزيدەنت قالا ەكٸمٸنٸڭ جانىنداعى ٸسكەرلٸك كەڭەستٸڭ كونسترۋكتيۆتٸ جۇمىسىن مىسال رەتٸندە كەلتٸردٸ.
«قالانى ودان ەرٸ دامىتۋ ٷشٸن ٶسٸمنٸڭ جاڭا باستاۋلارى قاجەت دەپ سانايمىن. مۇنداي باعىتتاردىڭ بٸرٸ جاڭاشا تٷرلەنگەن ەكونوميكا. سوندىقتان ٷكٸمەتكە اتالعان باعىت بويىنشا تولىققاندى ەرٸ زاماناۋي نورماتيۆتٸك-قۇقىقتىق تۇرعىدان رەتتەۋ مەحانيزمٸن ەزٸرلەۋدٸ تاپسىرامىن» دەدٸ مەملەكەت باسشىسى.
سونىمەن قاتار, پرەزيدەنت قاسىم-جومارت توقاەۆ الماتى قالاسىن ودان ەرٸ دامىتۋ مەسەلەلەرٸ جٶنٸندە كەڭەس بارىسىندا بيزنەستٸ زاڭسىز ارالاسۋدان قورعاۋ ماڭىزدى مٸندەت ەكەنٸن اتاپ ٶتتٸ.
«تٷپكٸ ماقسات – زاڭدىلىق تۇرعىسىنان بيزنەس پەن مەملەكەتتٸك ورگاندار اراسىنداعى قاتىناستار مودەلٸنٸڭ مٸنسٸز بولۋى. سينگاپۋردى جەتٸستٸككە جەتكٸزگەن ٷلگٸنٸ الۋعا بولادى. مٷمكٸن ەمەس نەرسە جوق. بەرٸ العا قويعان ماقساتقا جەتۋ جولىنداعى باتىلدىققا بايلانىستى», – دەدٸ مەملەكەت باسشىسى.
ايتا كەتەيٸك, بۇل جەردە باقىلاۋ-قاداعالاۋ نەمەسە قۇقىق قورعاۋ قىزمەتٸ كەيپٸندەگٸ رەيدەرلٸك جەنە بوپسالاۋ دەرەكتەرٸ جايىندا سٶز بولىپ وتىر. قاسىم-جومارت توقاەۆ ٶزٸنٸڭ تاپسىرماسى بويىنشا مۇنداي تەرٸس ٸس-ەرەكەتتەرگە قارسى كٷرەسكە باعىتتالعان زاڭنامالىق شارالار توپتاماسى دايىندالعانىن مەلٸمدەدٸ. بۇل باعىتتاعى تيٸستٸ جۇمىستار پارلامەنتتٸڭ قازٸرگٸ سەسسيياسىنىڭ سوڭىنا دەيٸن اياقتالادى.
ەستەرٸڭٸزگە سالا كەتەيٸك, قازاقستان پرەزيدەنتٸ قاسىم-جومارت توقاەۆ الماتى قالاسىنداعى بيزنەس مەسەلەسٸن تالقىلاۋعا قاتىسىپ, بيزنەسپەن «كەرٸ بايلانىس» ورناتۋدىڭ ناقتى ەرٸ تيٸمدٸ تەتٸگٸن جولعا قويۋ قاجەتتٸگٸن سٶز ەتتٸ. سونىمەن قاتار, ٶتكەن جىلدىڭ قورىتىندىسى بويىنشا, الماتىنىڭ ەلەۋمەتتٸك-ەكونوميكالىق دامۋىندا وڭ قارقىن بار ەكەنٸ بەلگٸلٸ بولدى. سونىمەن قاتار, مەملەكەت باسشىسى قالانى ودان ەرٸ دامىتۋ ٷشٸن ٶسٸمنٸڭ جاڭا باستاۋلارى قاجەت دەپ سانايدى. مۇنداي باعىتتاردىڭ بٸرٸ جاڭاشا تٷرلەنگەن ەكونوميكا. سوندىقتان ٷكٸمەتكە اتالعان باعىت بويىنشا تولىققاندى ەرٸ زاماناۋي نورماتيۆتٸك-قۇقىقتىق تۇرعىدان رەتتەۋ مەحانيزمٸن ەزٸرلەۋدٸ تاپسىردى.
